Kur bëhemi prindër askush prej nesh nuk mendon se “do ti ulërasë e bërtasë fëmijëve të tij.”Askush nuk planifikon të bëhet një nënë ose baba i nevrikosur. Ka më shumë të ngjarë që të mendojmë kështu:

• I Dua fëmijët e mi dhe do bëja gjithçka për to.
• Dua të prindëroj në mënyrën më korrekte të mundshme. 
• Dëshiroj të jem një prind i qetë dhe i duruar.

Faktori i harruar

Mund të keni luftuar me “zemërimin prindëror” për vite të tëra dhe ende të mos e keni gjetur zgjidhjen magjike, por, po sikur të dini arsyen e vërtetë përse bërtisni?

Zemërimi dhe ulërimat GJITHMONË burojnë nga ndjesia e mungesës së fuqisë. 

Pafuqia për të kontrolluar sjelljen e fëmijës suaj.

Pafuqia sepse nuk mund ti vishni, ti bëni gati e të dilni nga shtëpia në kohë.

Pafuqia sepse nuk mund as të bëni një dush pa u merakosur se po vriten, rrëzohen, zihen apo dëmtojnë diçka në mungesën e prezencës suaj.

Pafuqia sepse nuk mund ti vini të flejnë gjumë në orarin e duhur natën.

Pafuqia sepse ndonjëherë ndjeheni sikur po dështoni në prindërim dhe vërtet dëshironi ta korrigjoni këtë, por nuk dini si.

Jepni, jepni e jepni dhe sinqerisht, ka shumë pak progres në drejtimin e dëshiruar.

Kështu ju ngrini zërin e bërtisni.

Kur frustrimi i prindërimit arrin 15 në shkallën me maksimale 10, ju ndjeheni  të pafuqishëm.

Dhe mënyra më e lehtë për të ndjerë fuqi të menjëherëshme është ulërima.

Po për të njëjtën arsye fëmijët bien në sekuenca të menjëherëshme të kthimit të fjalës e mungesës së respektit. Edhe ata ndjehen të pafuqishëm gjithashtu.

Ulërimat s’janë gjë tjetër përveç dëshirës për të pasur nevojën e shëndetshme për fuqi, sa më shpejt të jetë e mundur.

(Po, fuqia është një nevojë e shëndetshme. Të gjithë kemi nevojën për fuqi. Gjithë çështja është të arrihet kjo nevojë e shëndetshme në një mënyrë të shëndetshme.)

Korrigjimi i shpejtë i britmave

Nëse ndjeheni të pafuqishëm e ndjeni nevojën për të bërtitur, provoni si mëposhtë:

1. Definoni 5 gjëra të cilat mund ti kontrolloni në atë moment.

Mendoni: Unë mund të trokas këmbën e djathtë 10 herë në mënyrë shumë të shpejtë. Mund të them plot pasion, “Jam kaq i frustruar.” Mund të mbledh 2+7+9 shumë shpejt në mendjen time. Mund të kërcej në ajër 5 herë, etj.

Ky ushtrim i thjeshtë ju ndihmon të dilni nga truri juaj emocional dhe të rihyni në trurin tuaj logjik. Dalëngadalë zhvendoseni nga një ndjenjë pafuqie në një ndjenjë kontrolli.

2. Sigurohuni t’i thoni me zë të lartë.

Ky është një hap i rëndësishëm sepse nëse e thoni brenda mendjes tuaj, truri emocional do vazhdojë të mbizotërojë mbi trurin tuaj logjik.

Ky është gjithashtu një ushtrim i përsosur për të ndaluar qarjen e një fëmije. Pas kryerjes së këtij ushtrimi, është më e lehtë gjetja e një zgjidhjeje të qartë të problemit.