Loja është një element kritik për zhvillimin e shëndetshëm të fëmijës. Përmes lojës, fëmijët janë në gjendje të zbulojnë dhe të kuptojnë botën. Duke qenë se fëmijët rriten shpejt edhe përvoja e tyre për lojën ndryshon me shpejtësi. Foshnjat 0-3 muajsh qëndrojnë shumë pak kohë zgjuar dhe aftësitë e kufizuara (vizioni, kontrolli i motorëve, komunikimi, etj.), mund të jenë sfiduese për të krijuar përvoja të këndshme për lojëra. Për fat të mirë, ne kemi gjetur disa mënyra të ndryshme për të luajtur me foshnjën tuaj 0-3 muajshe!

Kontakti me sy – Shpenzoni kohë duke bërë kontakt me sy me fëmijën tuaj. Kontakti me sy ndihmon në forcimin e lidhjes dhe i mëson foshnjes nuancat e komunikimit joverbal.

Shtriqje – Pasi kanë qenë të mbledhur për kaq shumë muaj në barkun e nënës, të sapolindurit janë mjaft të përdredhur. Butësisht shtriqini krahët dhe këmbët e fëmijës suaj herë pas here. Kjo ndihmon në zhvillimin e vetëdijes trupore dhe shtriqjen e muskujve të tyre. Sigurisht, nëse foshnja juaj nuk e ka qejf këtë gjë, ju duhet të ndaloni menjëherë.

Muzika Familjare – Hulumtimet thonë se të sapolindurit janë në gjendje të njohin muzikën që kane dëgjuar rregullisht gjatë kohës kur ishin në mitër. Nëse fëmija gjatë shtatëzanisë ka dëgjuar disa tinguj të caktuar vendosjani ato tinguj. Nëse fëmija juaj nuk ka dëgjuar muzikë vazhdimisht, në mënyrë që ta njohi atë zgjidhni disa këngë për t’ja vendosur. Muzika e njohur do të stimulojë mendjen e fëmijës suaj dhe mund t’i ndihmojë dhe t’i qetësojë ata.

Imitimi – Imitoni fëmijën tuaj duke përdorur tingujt dhe shprehjet e tij. Komunikoni me fëmijën tuaj, sepse kjo është me shumë rëndësi, tregon që ju po i kushtoni vëmendje dhe kështu modeloni dhe procesin e komunikimit.

Veshja e duhur – Foshnja juaj ka nevojë për kontakt fizik dhe lëvizje ritmike dhe të veshurit e tij është mënyra e përsosur për t’i përmbushur këto nevoja. Sot ekzistojnë nga të gjithë llojet e transportuesve për foshnja kështu që zgjidhni të duhurën.

Pasqyra e mrekullueshme – Shfaqja para pasqyrës është një aktivitet i mrekullueshëm për foshnjat, madje edhe për ata më të vegjël. Vendosni një pasqyrë pranë fytyrës së fëmijës tuaj gjatë kohës që ka dhimbje stomaku ose mbani fëmijën tuaj para një pasqyre. Foshnja do të mrekullohet me fytyrën e saj të bukur (dhe tuajën!).

Udhëtimi me aeroplan – Jepini fëmijës tuaj një perspektivë të re mbi jetën duke e mbajtur atë me fytyrë poshtë duke përdorur krahun tuaj përgjatë barkut për ta mbështetur. Ky pozicion mund të jetë i dobishëm për foshnjat që kanë gazra, por edhe foshnjat që nuk kanë gazra. Butësisht merrni fëmijën tuaj në krahë. Mund të bëni edhe zhurma aeroplani nëse dëshironi.

Biseda të këndshme – Biseda është mësimdhënie. Biseda është një nga aspektet më të thella të zhvillimit të gjuhës dhe fillon nga dita e parë (disa madje do të argumentojnë se ajo fillon që në mitër). Bisedoni me fëmijën tuaj shpesh gjatë ditës.

Masazh – Ju mund të ndihmoni sistemin e qarkullimit të gjakut dhe të tretjes së fëmijës suaj duke e masazhuar atë me ngadalë dhe lëvizje të buta. Zgjidhni një kohë kur të dy ju dhe fëmija juaj jeni të relaksuar për ta bërë këtë aktivitet. Ju mund të përdorni larës për foshnja ose vaj të papërpunuar, natyral, ushqimor (si bajame, ose vaj ulliri) për të masazhuar fëmijën tuaj.

Lexojini libra – Leximi për fëmijën tuaj është një nga dhuratat më të mira që ju mund t’i jepni. Edhe fëmijët më të vegjël mësojnë kur lexoni për ta. Plus, fëmijes tuaj do t’i pëlqejnë zhurmat dhe tingujt e zërit tuaj.

Lëkunduni së bashku – Ashtu si loja aeroplan, lëkundjet gjithashtu janë të këndshme për fëmijën tuaj. Ju mund të mbani fëmijën tuaj në krahë dhe të qëndroni së bashku në një shtrat që lëkundet.

Bardh e Zi – Shikimi i një të porsalinduri nuk është plotësisht i zhvilluar kur ata lindin. Ata mund të shohin më lehtë imazhe të kontrastit të lartë, të tilla si ngjyrat e zezë dhe e bardhë. Bëni fotografi me kontrast të lartë dhe varini aty ku fëmija juaj mund t’i shohë lehtësisht ato. Shikoni dhe flisni për këto fotografi me fëmijën tuaj.

Do të vallëzojmë? – Vallëzimi është një mënyrë e lezetshme për t’u lidhur me fëmijën tuaj dhe të ofrojë kontaktin fizik dhe lëvizjen që fëmija juaj do.

Luani – Fëmijëve u pëlqejnë lëvizjet e objekteve. Luani me fëmijën tuaj me një elektrik dore në një dhomë të errët. Femija juaj do te duket si i hipnotizuar.

Ndaloni dhe nuhasni aromën e luleve – Foshnjat kanë aftësi për të nuhatur aromat. Në fakt, foshnjat mund të dallojnë erën e nënave të tyre menjëherë pas lindjes. Stimuloni shqisat e fëmijës tuaj duke i vendosur në prani të aromave të këndshme (si lule, fruta agrume dhe vanilje).

Baby Sit-Ups – Forconi muskujt e qafës së fëmijës tuaj duke bërë një version të kësaj stërvitjeje për të rritur. Vendoseni fëmijën tuaj në një batanije dhe uluni në këmbët e tij. Kapni qoshet e sipërme të batanijes afër kokës së foshnjes dhe butësisht ngrijeni drejt vetes. Butësisht uleni prapë poshtë. Përsëriteni këtë disa herë derisa fëmija juaj të tregojë se është lodhur dhe fillon të grindet ose po kërkon të largohet.

Koha e çiklizmit – Forconi muskujt e barkut të fëmijës suaj dhe rrisni vetëdijen e trupit duke lëvizur butësisht këmbët e tij në një lëvizje çiklizmi. Ky aktivitet gjithashtu prezanton idenë e lëvizjes së alternuar (një këmbë, pastaj tjetra), të cilën ai do të duhet ta kuptojë në mënyrë që të zvarritet dhe të ecë.

Vëzhgimi i telefonit – Nxitni zhvillimin e ndjekjes vizuale duke i ofruar fëmijës suaj për të parë celularët. Një ide e mirë është ta vendosni telefonin në hapësirë të përbashkët ku familja juaj kalon kohën.

Akti Balancues – Zhvilloni balancën e fëmijës suaj dhe forconi muskujt e qafës së tij duke mbajtur fort mbi një top të madh plazhi ose top për joga.